تتعلم بهذا الدرس الباركورد Bar Chord.

طارق حرب:

"مرحبا أنا طارق حرب من اعزف دوت كوم.

واليوم راح نتعرف علي تكنيك جديد يستخدم في كل عزف الجيتار اذا كان روك ولا كلاسيك ولا فلامينكو كتير بنحتاجه هذا التكنيك لدرجة انه مرات في مقطوعات بس مبنيه علي هادا التكنيك وهادا التكنيك بنسميه البار كورد بدال مانعزف الكورد بأصابع عموديه علي الوتر بيصير عنا احتماليه انه ننيم الأصبع كاملا علي الأوتار ونعزف كوردات زي هيك (يعزف الأستاذ طارق التمرين)بيسموه بار عشان عم بسوي بأصبعنا زي البار عم نغطي كل الأوتار فاهاي الطريقه للباركورد طبعا البار كورد مش ضروري يغطي كل الأوتار ممكن يغطي خمس أوتار سبع أوتار وترين ولو وتر واحد بيبطل اسمه بار كورد فخلينا نشوف إكزامبل وان مثلا بار كورد حاطين جي البيز واحد(يعزف الأستاذ طارق التمرين).

بعدين تو علي بي بعدين واحد واحد هادا معناته لازم خلاص منقدرش نقسم أصبعنا ونحط نخليه يكبس لحاله علي هادا الوتر وهادا الوتر هادا معناته لما شوفنا هيك النوته الميسيقيه معناته هادا كله لازم ينحط وينحط الأصبع التاني علي بي وبنعزفه هلأ هادا مبين انه كتير سهل عليا اسويه بس هو عشان متعود عليه بس هو الصعوبه فيه انه بوزشن تاني كامل لليد اليسري مش زي بوزشن الأصابع عادي لحاله في له حس معين وبدو صبر وتمرين كل يوم اذا بتقدرو جربو تبنو الباور الكامل راح ورجيكم كيف وهيك بيصير الواحد عنه ديفيلوب مينت للعضلات وبيصير سهله العمليه أولها راح تكون صعبه خصوصا بالفريتات القليله هون الأولي انصحكم تدربو علي هادا الشي بنص النك عشان الأوتار خفيفه هون (يوضح الأستاذ طارق علي الجيتار )وهون طبعا كتير صعب فا خلينا نحكي كيف نحضر اليد للبار كورد احنا لما نعزف مرات الأصبع الإبهام ممكن مرات يطلع هيك منسلك مش ضروري انه يكون دائما جاي بهاي الطريقه (يوضح الأستاذ طارق علي الجيتار )في البار كورد لازم يكون الإبهام معطي سابورت ميه فالميه للبار يعني اذا الإبهام كان هون مثلا هيك (يوضح الأستاذ طارق علي الجيتار).

اجي اسوي بار ماراح يظبط خلاص أصبعي صار قصير ومش قادر يلف حوالي نك اذا بحاول اعزف بيطلع عندي بظ كتير وماراح يظبط معاي وراح أشد علي حالي وابطل اقدر اسوي البار كورد فا مهم الواحد لما يجي يحط إيده للبار كورد بس يسحل من عند كتفه هيك الإبهام لتحت يصير أكنه ماسك شي زي هيك طبعا احنا اذا بدنا نمسك شي بالأصبع ماراح نسوي هيك لازم في سابورت بين الإبهام نفس الشي هاي الطريقه في شوية سابورت عالإبهام وراء معناته لازم يكون نازل عالنك من تحت هاي أول واحده تاني شي لما نجي نتعلم بار كورد بدنا لازم يكون الصوت واضح ليش عم يكون صعب البار كورد عشان عم نضلنا نغص عالنك ولسه الصوت عم يطلع معنا بظ ياتري شو المشكله بابار كورد مهم كتير زي كل النوتات انه نعزف قبل الفريت يعني مثلا ماآجي أحط البار هون(يوضح الأستاذ طارق علي الجيتار ) اذا بدي اعزف الفريت الرابع لأ أجي ورا الفريت بالظبط هيك بقلل الجهد بشكل خرافي لما اسوي هيك بعدين لما آجي اتعلم البار لازم ابلش شوي شوي اتأكد ان النوتات كلها واضحه بالأصبع السبابه لحالها زي مثلا هيك هاي النوته (يعزف الأستاذ طارق التمرين)هادا البار بردو ليه شغله مهمه لما نمسك اتنين او تلاته انه المفصل هادا يفضل انه يكون طالع لفوق هيك (يوضح الأستاذ طارق علي الجيتار).عشان يدعس عالأوتار بشكل دغري (يعزف الأستاذ طارق التمرين))لما أجي اسوي أربعه خلاص ماراح اقدر اسوي هيك عشان الوتر الأول بطل ممسوك بالأصبع فلازم انزل اليد صار عندي الوتر الرابع تالت تاني أول ممسوك مش ضروري اغض كتير بس هيك ماسكه وبردو مابدي اكون دوغري زي هيك هادا بردو بدنا نتفاداه."